OVERDOSE

Ess Amor louco
Ta confundi’m nha mente
Já’m ka sabê
Se tud ti ta contcê
Se tud já cabá
Ou se nada passa
Ess Amor louco
Ti Ta consumi’m nha peito
Já’m ka sabê
Vive sem ess dor
Que nha tormento

Um ta na meio d’nada
Ta esperá
Mesmo sem incontrá
Um notícia, um imagem
Quem sabe, um miragem

De dia um ta inventá
Mais um paixão
De noite um tem
So mais um ilusão
Na fim de tud
So bo na nha coração

Um ta li ta enlouquecê
Sentod ta esperá contcê
Um sonho, um milagre
Um dádiva
Q’ta fazêb parcê

De forma confuso
Ess Amor louco ti ta vicia’m
Um sabê q’el eh nha condenação
Ma estod li sem El
Ta murcha’m nha coração

Se ama eh aos poucos morrê
Não ama eh estod vivê
Na purgatório ta padecê
Tud o q’um sabê
Eh so bo c’um crê

Rilda Helena Delgado Leite

Posted in: Rilda Delgado Leite